Një grua vietnameze e akuzuar në vrasjen e e Kim Jong-nam gjysmë vëllait të udhëheqësit të Koresë së Veriut, Kim Jong-un, u dënua të hënën pasi u shpall fajtore për një akuzë më të vogël se vrasja, atë për shkaktimin e lëndimeve nga mjetet potencialisht vdekjeprurëse.
E pandehura, Doan Thi Huong, 30 vjeçe, ishte një nga dy gratë që hodhën agjentin nervor VX në fytyrën e Kim Jong-nam, vëllait më të madh të Kim Jong-un, në shkurt 2017.
Një gjykatë malajziane e dënoi Doan Thi Huong me tre vjet e katër muaj burgim, duke filluar nga arrestimi i saj në shkurt 2017.
Ajo ka të ngjarë të lirohet në 4 maj, tha avokati i saj. Huong do të ishte përballur me dënimin me vdekje nëse do të gjykohej fajtore për vrasjen.
