Katër ditë më parë u ekzekutua me breshëri plumbash në një lokali Bujar Çela, vëllai i të shumëkërkuarit Talo Çela.
Në lidhje me këtë ngjarje grupi hetimor ka sekuestruar disa kamera në aksin Elbasan-Broshë. Bëhet me dije se kamerat janë sekuestruar për të bërë të mundur zbardhjen e vrasjes së Bujar Çelës.
Mësohet se janë ngritur pika kontrolli e asistuar nga FNSH, në afërsi të vendit ku u vra 50-vjeçari, raporton ‘abcnews’.
50 vjeçari është vrarë në orën 05.45 katër ditë më parë, sapo ka zbritur nga makina e tij për të pirë një kafe.
Në lidhje me këtë ngjarje është arrestuar Erion Alibej, i cili përdorte dhe emrat Arben Dylgjeri dhe Andrea Alibej.
Burime bënë me dije se Alibej është dhe porositësi i vrasjes së Bujar Çelës tek rrethrrotullimi i Bradasheshit.
Gjithashtu Alibej akuzohet si porositës i dy vrasjeve që ndodhën gjatë muajit korrik në Elbasan, ku u vra Emiljano Ramazani dhe Regis Runaj.
