Policia e Tepelenës arrestoi të dyshuarin për vrasjen e shtetasit Sokol Rama.
Në pranga ra Roland Milo, pas një operacioni të komisariatit të policisë Tepelenë me atë të Gjirokastrës.
Viktima ishte zhdukur prej dy javësh dhe uniformat blu kishin nisur kërkimet për ta gjetur. Por trupi i Ramës u gjet paraditen e djeshme në një zonë të Malëshovës në Këlcyrë.
Viktima gjendet në makinën e vet në vendin e quajtur “Përroi i Thellë”, me plagë arme zjarri.
Sipas hetuesve autori i vrasjes dyshohet të jetë shoku dhe bashkëpunëtori i tij, Roland Milo, nga fshati Miçan i Përmetit. Të dy ata janë në listën e personave me precedentë kriminalë.
