Për median greke Newsit.gr ka folur partnerja e 32-vjecarit të ekzekutuar dy ditë më parë në Athinë, Roan Brahimit.
“Nuk dija asgjë, nuk më kishte thënë gjë. Erdhi të shtunën e Madhe për Pashkë”. Në lidhje me ngjarjen ajo u shpreh: “Isha bashkë me të brenda në makinë, por nuk e mbaj mend si ndodhi. Pastaj dola nga makina”.Ajo më tej shtoi: “Fëmija i pa të gjitha. Tani fëmijën e ka mamaja ime, unë jetoj në shtëpinë time. Nuk jam fare mirë”. Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarja ka mbërritur gjyshja e fëmijës e cila e ka larguar prej andej.
