Presidenti rus, Vladimir Putin, e ka quajtur vrasjen e udhëheqësit suprem të Iranit, Ayatollah Ali Khamenei, një “vrasje cinike” që shkel “të gjitha normat e moralit njerëzor dhe ligjin ndërkombëtar”, raporton agjencia shtetërore ruse TASS.
Ky është komentimi i parë zyrtar i Putinit që pas sulmeve amerikano-izraelite ndaj Iranit dhe hakmarrjeve të mëtejshme iraniane. Ai shtoi se Khamenei do të mbahet mend në Rusi si një “shtetar i jashtëzakonshëm”.
Rusia dhe Irani kanë qenë aleatë të ngushtë për shumë vite, me Iranin që i ka ofruar mbështetje ushtarake Rusisë, duke përfshirë dronë dhe raketa balistike, si dhe duke ndihmuar Moskën në ndërtimin e një fabrike për prodhimin e dronëve, në kontekstin e luftës së Rusisë në Ukrainë.
Ndërkohë, Ministria e Jashtme e Rusisë dje dënoi sulmet e SHBA-së dhe Izraelit ndaj Iranit, duke i quajtur ato një “hap të papërgjegjshëm” dhe një “veprim të paarsyeshëm të agresionit të armatosur”.
