Raporti i Drejtorisë së Policisë në Stamboll për vitin 2018 zbulon një numër detajesh lidhur me vrasjen brutale të gazetarit Jamal Khashoggi, që ndodhi më 2 tetor në Konsullatën saudite në Stamboll.
Sipas raportit brenda kompleksit të Konsullatës Saudite ndodhen dy puse për ujë dhe një furrë me dru dhe gaz. Po ashtu theksohet se kjo është një furrë, temperatura e së cilës mund të arrijë temperatura të larta deri në 1.000 gradë Celsius, në të cilin mund të shkatërrohen të gjitha gjurmët e mundshme të ADN-së.
Raporti i policisë turke potencon se ekipi 15-anëtarësh i vrasësve të Khashoggit, pas vrasjes brutale nga një restorant i njohur i Stambollit porositi 32 racione mishi të papjekur në Konsullatën saudite.
Në kuadër të hetimit rreth vrasjes së Khashoggit, Departamenti i anti-terrorit të policisë turke pranoi në total 224 raporte, kurse si më intersanti potencohet raporti i mbërritur nga SHBA-të.
Policia turke më tej thekson se të gjitha raportet janë marrë në përpunim.
Të gjitha gjurmët e vrasjes brutale të gazetarit Khashoggi brenda konsullatës saudite janë pastruar me mjete kimike.
Në bazë të të gjitha informacioneve të deritashme, hetuesit turq edhe më tej pohojnë mundësinë e vrasjes brutale të Khashoggit, dhe më pas trupi i tij u copëtua dhe u dogj.
