Denis Shtraza është dënuar për jetë nga Krimet e Rënda.
Ai është shpallur fajtor për rrëmbimin dhe vrasjen e Gazmend Çollakut më 6 janar të 2016-ës, trupi i të cilit u gjet në Murqinë të Krujës.
I akuzuar për ngjarjen ka qenë edhe Ervin Dalipaj, i cili u ekzekutua në një atentat në 2017-ën.
Ngjarja sipas Policisë
Më datë 06.01.2016, në lagjen Nr.1 në Durrës, 4 persona, 3 prej të cilëve me jelekë dhe mbishkrimin ”Policia”, kanë marrë me forcë duke e futur në mjetin e tyre tip “Audi A6” me ngjyrë të zezë shtetasin Gazment Çollaku 34 vjeç, banues në Durrës.
Çollaku u gjet i vrarë me armë zjarri një ditë më pas në fshatin Murqin, Krujë, i hedhur në rrugë dhe me gjymtyrë të lidhura.
