Arrestohen 8 persona për vrasjen e gazetares malteze Dafne Karuana Galicia. Gazetarja njihet për shkrimet që akuzonin politikanët për korrupsion. Asaj iu vendos lëndë plasëse në makinë dhe nuk mundi të shpëtonte
“Kudo ka kriminelë nëse shihni përreth. Situata është dëshpëruese”. Kjo ishte shprehja që shkroi në blogun e saj 30 minuta para se të vdiste gazetarja malteze Dafne Karuana Galicia.
15 ditë para se të vritej, si raportojnë mediat lokale, nëna e tre djemve kishte marrë kërcënime me vdekje, por askush nuk ishte kujdesur që ta runate. E njohur si gazetarja që zbuloi skandalin e “Panama Papers” për korrupsionin në Maltë, Karuana Galizia ishte kthyer në njeriun më popullor në Maltë, aq sa blogu i saj lexohej e kishte më shumë ndjekës se shumë media të tjera tradicionale.
Blogu i saj ishte një gjemb për politikanët dhe botën e krimit që mbizotëron në shtetin më të vogël të Evropës. Me anë të shkrimeve të fundit ajo tregoi me gisht kryeministrin e Maltës, Xhozef Muskat dhe dy nga ndihmësit e tij më të afërt, për lidhje me kompanitë off-shore. Dafne fliste edhe për banka që ndihmonin në pastrimin e parave të mafias e industrisë së lojrave të fatit në Maltë.
