Elona Buci, motra e Englantina Bucit, 23 vjeçares që u vra me plumb në ballë nga babai dhe vëllai Faik dhe Shkëlzen Buci, ka reaguar në lidhje me ngjarjen e rëndë që ka tronditur opinionin publik.
Sipas një prononcimi të shkurtër që ajo ka dhënë për Report Tv, jashtë kamerave, Elona thotë se babai i saj ka shumë ndikim të vëllai, dhe se ka qenë ai që e ka detyruar ta vrasë të motrën në Malin me Gropa në Dajt, për shkak se nuk kanë qenë dakord për bashkëjetesën e saj me një të ri.
Madje ajo ka rrëfyer se ai nuk ka qenë dakord as për lidhjen e saj me bashkëshortin me të cilin sot ka 2 fëmijë.
Prej 15 vitesh as Elona nuk fliste me babanë. Hera e fundit kur janë takuar ka qenë pas vdekjes së vëllait të tyre nga leucemia.
