Policia e Shkodrës ka vënë në pranga dy persona, që dyshohet se janë bashkëpunëtor në ngjarjen kriminale të ndodhur mbrëmjen e djeshme në Velipojë, ku humbën jetën dy të rinj, Ersild Ishmi dhe Arsid Hoxha.
Sipas informacioneve, ata janë të dy punonjës në hotelin e familjes Frroku, të identifikuar si Marjo Pali dhe Zyber Zagrad.
Zagradi u plagos mbrëmjen e kaluar me një plumb në këmbë. Të dy janë përfshirë mbrëmë në përplasjen fizike që përfundoi me dy viktima.
Autorët e krimit, vëllezërit Eduart dhe Gëzim Frroku janë ende në kërkim nga policia.
Ngjarja e rëndë ka lidhje me një konflikt të ndodhur disa javë më parë, në fund të qershorit në hotelin e dy vëllezërve. Njëri prej kamarierëve të këtij hoteli pati një konflikt të çastit me kuzhinierin.
Për këtë të fundit erdhi në ndihmë edhe Ersil Ishmi. Për kamarierin erdhi në ndihmë edhe Ersild Ishmi dhe 33 vjeçari kanosi me armë zjarri kuzhinierin. Më tej ai u largua nga vendngjarja duke hedhur tej dhe pistoletën dhe që në atë kohë ishte në kërkim nga policia.
Sakaq, konflikti nuk është harruar dhe Ishmi së bashku me kunatin e tij Arsid Hoxha u konflitkuan me pronarët e hotelit, dy vëllezërit Frroku, të cilët vranë dy kunetërit me armë zjarri.
