“ Ai as e njeh atë grua”- është kjo fraza me të cilën i përgjigjet avokati mbrojtës i Babis Anagnostopoulos gazetares Aggeliki Nikoloulit pas zbulimeve dhe deklaratave për një lidhje jashtëmartesore që dyshohet se ka pasur autori.
“Klienti im thotë se nuk ka pasur asnjë lidhje me asnjë grua as para dhe as gjatë ngjarjes. Në fakt, nuk ka dalë nga asnjë provë në dosjen e lëndës. Ai as nuk e njeh gruan. Nëse nuk do të kishte ndodhur asgjë tjetër, nuk është diçka që ndikon drejtpërdrejt në veprën që po shqyrtojmë në këtë rast”- tha ai.
Avokati i Anagnostopoulos vuri në dukje se nuk ka asnjë ndryshim në aktakuzën kryesore.
” Sigurisht që ai përmend disa gjëra në një kohë më të hershme. Në Këshillin e Procedurës Penale dhe në gjykatën që do të zhvillohet për ceshtjen është në lojë se çfarë ndodhi atë natë fatale në Glyka Nera dhe si u shkaktua e gjithë kjo situatë. Kjo nënkuptohet edhe nga propozimi i prokurorit ”.
Ai iu referua edhe raporteve që japin versione të ndryshme të krimit, duke thënë klienti i tij është ai që nëse do, do të përgënjeshtroj raportet. Përderisa ka prova që mund t’i japin diçka më shumë çështjes ose të rrëzojnë diçka, edhe nesër ato mund të dorëzohen për t’u vlerësuar .
Një muaj më parë kishte shpërthyer si bombë lajmi se vrasësi Babis Anagnostopoulos kishte një lidhje paralele me një grua tjetër , sipas zbulimit të mikut të tij. Dëshmia u konsiderua kyçe për ecurinë e hetimeve, duke plotësuar në një farë mënyre enigmën e marrëdhënies së trazuar martesore të 34-vjeçarot me Caroline Krauts .
