Ditën e sotme policia ka ndaluar një nga autorët dyshuar për vrasjen e 29 vjeçarit nga Vlora Vasil Dervishi. Ndërsa vazhdon të jetë në kërkim autori tjetë i dyshuar i ngjarjes. Dy bashkëpunëtorët e tyre u vendosën në pranga ditën e djeshme.
Ngjarja ndodhi mbrëmjen e 4 Qershorit rreth orë 23:00 në lagjen “Pavarsia” pranë banesës së të riut.
Njoftimi i Policisë:
Ndalohet një nga autorët e dyshuar të vrasjes së 29-vjeçarit.
Strukturat Policore të Seksionit Kundër Krimeve ndaj Personit në DVP.Vlorë, kanë bërë zbatimin e Urdhërit të Prokurorisë së Rrethit Gjyqësor Vlorë, për ndalimin e shtetasit:
A.C., 28 vjeç, banues në Vlorë.
Janë sekuestruar në cilësinë e provës materiale:
1 automjet tip “Audi” me targa AA830RA, dhe 1 palë targa të tjera (italiane) AH63435, (dyshohen se janë përdorur në momentin e kryerjes së krimit),
1 xhup dhe 1 kapuç.
Vijon puna për kapjen dhe ndalimin e autorit tjetër të kësaj ngjarje.
Materialet hetimore iu referuan Prokurorisë së Rrethit Gjyqësor Vlorë, për veprën penale “Vrasje me paramendim, kryer në bashkëpunim” dhe “ Mbajtja pa leje e armëve luftarake dhe municionit”, parashikuar nga neni 78 e 25 dhe 278 të Kodit Penal.
