Një tjetër ngjarje e rëndë ka tronditur qytetin e Shkodrës mëngjesin e sotëm.
Dy vëllezër janë vrarë me breshëri plumbash teksa po dilnin nga shtëpia. Ata janë Astrit dhe Ibrahim Bilali, 59 dhe 61 vjeç.
Astrit Bilali eshte babaj i Asmer Bilali, i arrestuar si pjesë e grupit “Bajri” në Shkodër, ndërkohë që grupi kundërshtar i tyre janë Licajt. Dyshohet që pikërisht lufta mes këtyre bandave të këtë sjellë viktimat e radhës.
Asmir Bilali është bërë edhe më parë “faktor” për një tjetër vrasje. Bëhet fjalë për atë të Arian Ferracakut po në Shkodër i cili u kuptua më pas se nuk kishte qënë ai shënjestra.
Për këtë ngjarje, gazetari investigativ Artan Hoxha deklaronte se në fakt një nga personat e dyshuar pas vrasjes ishte pikerisht Asmer Bilali.
Të dy personat ishin shumë të ngjashëm fizikisht dhe kishin pasion sportin e hipizmit dhe shpesh herë dilnin bashkë për të kalëruar. Madje edhe kuajt e të dyve ishin thuajse identikë me ndryshime të vogla në ngjyrë dhe në racë.
Çfarë deklaroi Artan Hoxha në gusht të 2018:
Arian Ferracaku ishte duke bërë hipizëm në periferi të Shkodrës me dy të afërt të vet, në distancë 100-200 metra ishin turistë nga Kosova. Në momentin që Ferracaku me dy të tjerët mbi kalë, vijnë breshëritë e kallashit, fillimisht ka goditur në kofshë Ferracakun dhe kalin. Më vonë autorët janë afruar dhe kanë goditur sërish, viktima është goditur me numër të madh predhash, aq shumë saqë i është thyer krahu. Viktima është goditur nga dy, ndërsa në vendngjarje kanë qenë tre persona. Asmer Bilali, është djali i pronarit që ka kuajt. Ai është ish-kampion boksi, është emër i njohur i sportit në Shkodër. Dyshohet se ai mund të përbënte problem për personat që e vranë.
/AlpeNews.al
