Fotoja e 19-vjeçarit Robert P. i cili qëlloi me armë zjarri drejt një automjeti në Laprakë ku si pasojë mbeti e vdekur adoleshentja Briselda Gjikola dhe u plagos Erion Bengo, 23 vjeç.
Një muaj më parë, adoleshentja u njoh me Erion Bengon, një 23-vjecar, që dikur kishte qenë në konflikt me ligjin.
Ai kishte shantazhuar të ish-dashurën me video intime, duke i kërkuar para. Megjithatë, kjo nuk i pengoi të dy, të nisnin një marrëdhënie, që përfundoi tragjikisht.
Pasditen e së mërkures, të dy u panë pranë e pranë në një nga lokalet e Laprakës, por sapo dolën prej andej, u përballën me brashërinë e plumbave.
Briselda u qëllua në kokë dhe nuk mundi të mbijetonte, edhe pse Erioni e trasferoi me shpejtësi drejt spitalit të Traumës.
Atentatoret pershkuan te njejten rruge me 2 të rinjtë, dhe pas bresherisë së plumbave u larguan në drejtime të ndryshme. Autorët e krimit te maskuar dhe me pistoletë u larguan ne këmbë ndërsa Erion Bengo u largua me makinën e tij ende pa mbaruar të shtënat në drejtim të kundërt për në Spitalin Ushtarak. Fatmirësisht falë ndërhyrjes në kohë të mjekëve ai mundi t’i shpëtojë plagëve të mara në qafë dhe shpatull ndërsa e mitura humbi jetën për shkak të plagëve të zjarrit të marra në kokë.
News 24 ka mundur të sigurojë një foto të automjetit të 23 vjeçarit I cili qëndroi për disa orë në spitalin e traumës derisa u tërhoq nga policia. Në të janë të dukshme shenjat e plumbave. Mjetit i është thyer xhami anësor dhe ai i pasëm.
Burime nga polica thanë se shenjestër e këtij atentati ishte 23 vjecari. Një javë më parë ai ishte konfliktuar me disa persona pasi këta të fundit i kishin ngacmuar të dashurën. Policia e Tiranës është fokusuar tek kjo pistë dhe ka shpallur sit ë dyshuar një 19 vjeçar nga Puka me banim në Tiranë. Policia në bashkëpunim me Prokurorinë po kalojnë në sitë të shkuarën e protagonistëve të kësaj ngjarje për të thelluar hetimet edhe në pista të tjera.
