Një ngjarje e rëndë ka ndodhur sot në Fier. 16 vjeçari Denis Vrenozi është goditur me thikë nga një 17 vjeçar, Florjan Gega.
Ngjarja ka ndodhur gjatë ditës së sotme, ndërsa viktima është gjetur nga kalimtarët në zonën e “Zogut të Zi” pranë gjimnazit “Janaq Kilica”.
Adoleshenti është goditur për vdekje me thikë pas një sherri mes tre të rinjve, ndërsa policia kishte shpallur në kërkim 17-vejcarin, i cili ka vendosur të vetëdorëzohet në komisariat pas tre orësh.
Policia bën me dije se është ngritur grupi hetimor, i cili po punon për zbardhjen e plotë të rrethanave të ngjarjes.
Njoftimi i policise:
Pas identifikimit dhe shpalljes në kërkim nga policia, dorëzohet në polici autori i dyshuar i plagosjes me thikë në “Zog të Zi”.
Në datën 18.10.2018 rreth orës 16:30 pas një zënke për motive të dobëta mes 2 të rinjve, shtetasi F.G, 17 vjeç, ka qëlluar me thikë shtetasin D.V, 16 vjeç.
Si pasojë e plagëve të mara shtetasi D.V ka ndërruar jetë.
Pas ngritjes së grupit hetimor, policia identifikoi autorin e dyshuar dhe e shpalli në kërkim.
Specialistët për Hetimin e Krimit kanë bërë arrestimin në flagrancë per vepren penale “Vrasje me dashje”, parashikuar nga Neni 76 i Kodit Penal.
Specialistët për Hetimin e Krimeve po kryejnë procedurat për ndalimin e shtetasit F.G.
