Të tjera detaje mësohen lidhur me vrasjen e 13-vjeçares Kasandra Brahja mbrëmjen e djeshme në zonën e Babrrusë në kryeqytet. Familjarët shprehen se vajza është qëlluar me armë zjarri.
Në shtëpi në momentin kur ka ndodhur vrasja kanë qenë vëllai i vajzës dhe nusja e tij, të cilët janë shurdhmemecë, dhe kjo ka vështirësuar zbardhjen e kësaj ngjarjeje të rëndë.
Babai kur është kthyer nga puna e ka gjetur vajzen të shtrirë pa jetë në divan.
Pas ngjarjes, babai e ka marrë vajzën dhe e ka dërguar në QSUT. Mamaja e vajzës nuk ka qenë në shtëpi në momentin kur është vrarë vajza.
Babai tregon se vajzën e ka gjetur të shtrirë në divan, dhe në QSUT ka mbërritur pa shenja jete.
Ndërkohë që ende nuk ka një version të saktë nga ana e policisë, ndërsa fillimisht u tha se një nga të dyshuarat kryesore për ngjarjen mund të ketë qenë nëna e saj.
Babai i është shprehur se zbardhjen e vrasjes ja ka lënë në dorë policisë së shtetit, dhe nuk ka rrëfyer se ka pasur probleme me ndonjë person.
