Mark David Chapman, njeriu që vrau muzikantin e njohur britanik John Lennon, i është mohuar lirimi për të dhjetën herë rradhazi.
Chapman u paraqit të enjten para një gjykate në Nju Jork për lirimin me kusht por iu tha se do të kalonte të paktën edhe dy vjet pas hekurave, përpara se të kërkojë sërish lirimin.
Duke shpjeguar vendimin e tyre ndaj vrasësit, trupa gjykuese u shpreh:”Ju pa dyshim keni planifikuar dhe ekzekutuar vrasjen e një personi me famë botërore për asnjë arsye tjetër përveçse për të fituar famë,” shkruan TMZ.
“Ndërsa jeta e një personi nuk është më e vlefshme se jeta e tjetrit, fakti që keni zgjedhur dikë që nuk ishte vetëm një person i njohur botërisht dhe i dashur nga miliona njerëz, pavarësisht nga dhimbjet dhe vuajtjet që do t’i shkaktonit familjes, miqve të tij shumë të tjerë, ju treguat një mospërfillje të kobshme për shenjtërinë e jetës njerëzore dhe dhimbjen dhe vuajtjen e të tjerëve “.
Mark Chapman u dënua me 20 vjet burg në vitin 1981 pas deklarimit fajtor për vrasje të shkallës së dytë.
Chapman e qëlloi këngëtarin në dhjetor të vitit 1980, në hyrjen e ndërtesës ku artisti jetonte në Nju Jork. I dënuari ka bërë me dije se gjatë qëndrimit në burg i është afruar fesë kristiane dhe kjo e ka ndihmuar shumë që të kuptojë gabimet.
Mark David Chapman, 59 vjeç, ka thënë se është treguar idiot kur në 8 dhjetor të 1980 vrau ish-këngëtarin e Beatles në New York, para hyrjes së Dakota Building, pallati ku jetonte bashkë me të shoqen Yoko Ono.
