Policia ka shpallur në kërkim dy vëllezërit Aleksandër dhe Kristi Bushgjokaj, të dy me precedentë penal për vjedhje dhe drogë, pasi dyshohen si autorë të vrasjes së 23-vjeçarit Renis Dobra.
Në kuadër të të njëjtës çështje, është arrestuar vëllai tjetër i tyre, Fatjon Bushgjoka, ndërsa një prej bashkëpunëtorëve, Petrit Çakrri, është vënë gjithashtu në pranga pasi iu gjetën disa doza kokaine.
Nga hetimet rezulton se Renis Dobra kishte punuar më parë në Gjermani për llogari të vëllezërve Bushgjokaj, duke u marrë me shpërndarjen e kokainës. Dyshohet se në disa raste ai nuk ka dorëzuar shumën e plotë të të ardhurave, duke pretenduar se e kishte humbur drogën apo se ishte ndjekur nga policia. Pasi e zbuluan, tre vëllezërit, së bashku me mikun e tyre Petrit Çakrri, kanë marrë me qira tre makina dhe kanë organizuar rrëmbimin e tij, që më pas përfundoi me vrasje.
Hetimet për zbardhjen e plotë të ngjarjes vijojnë.
