Ambasadorja e SHBA-së në Tiranë, Yuri Kim ka zhvilluar një takim paraditen e sotme me ambasadorin e delegacionit të Bashkimit Europian Luigi Soreca. Takimi është zhvilluar te ‘Shtëpia e Europës’.
Fokusi, referuar aktualitetit politik padyshim që ishte te reforma zgjedhore. E ndërsa bindën, PS-PD-LSI dhe morën firmën e Rudina Hajdarit, ngërçi i radhës për ambasadorët, që kanë udhëhequr procesin për të shkuar te kompromisi mes palëve është votimi në Kuvend.
Shumica socialiste ka 77 vota, ndërsa për të votuar ndryshimet duhen 84, por tre kryetarët e grupeve parlamentare të opozitës në Kuvend nuk kanë pranuar që ngrenë kartonin jeshil.
Tre kryetarët e grupeve deklaruan ditën e shtunë se kanë tre kërkesa, listat e hapura, pra ndryshimi i sistemit, depolitizimi i plotë i administratës dhe vota e emigrantëve.
