VODHËN BIZHUTERI DHE ORA NË BANESA NË GJERMANI/ Krimet e Rënda hetim për Gentian Durakun

Prokuroria e Krimeve të Rënda ka nisur hetim për Gentian Durakun. Sipas prokurorisë nga aktet e letërporosisë së Autoriteteve Gjermane të Drejtësisë, konkretisht Prokuroria Offenburg, ka rezultuar se shtetasit shqiptar Elton Koçiu, Ervis Dalipaj, Ismet Sulaj, Gentjan Duraku, në bashkëpunim me disa persona të tjerë shtetas shqiptar, kanë marrë pjesë në disa ngjarje, 50 vjedhje të banesave të shtetasve gjerman, të kryera gjatë viteve 2015-2016 dhe 2017, të cilët kanë vepruar në formën e grupit të strukturuar kriminal, duke e shtrirë aktivitetin kriminal të tyre në territorin e Republikës së Gjermanisë, për një kohë të gjatë, me një organizim të tyre, duke bërë të mundur vjedhjen e sendeve të çmuara tek këto banesa, si orë, bizhuteri, pajisje komunikimi, metale të çmuara, automjete si dhe vlera monetare që ndodheshin nëpër këto banesa.