Në qytetin e Kukësit, 3 të mitur me inicialet E. E., E. E. dhe K. E, kanë shkatërruar dyert e shkollës së mesme të qytetit, dhe janë futur në laboratorin e informatikës, ku edhe kanë vjedhur 5 kompjuterë dhe aksesorët e tyre.
Menjëherë pas ngjarjes, është ngritur një grup hetimor me qëllim identifikimin dhe vënien para përgjegjësisë ligjore autorëve, të cilët rezultuan të ishin 3 të mitur dhe si pasojë për shkak të moshës u proceduan të lirë.
Si provë materiale janë sekuestruar 5 kompjuterët dhe aksesorët e tjerë të vjedhur në ambientet e shkollës.
Materialet i kaluan Prokurorisë pranë Gjykatës së Shkallës së Parë Kukës, për veprat penale “Vjedhja” e kryer në bashkëpunim dhe “Shkatërrimi i pronës”.
