Vlora zgjohet nga flakët e një makine tjetër në lagjen Partizani

Po kthehen në rutinë mëngjeset kur në Vlorë zbulohet një makinë e shkrumbuar nga flakët. Të paktën këtë radhë, policia e ka pranuar se mjeti tip Benz i 24 vjeçarit, me inicialet M.F u dogj qëllimisht. Në shumë raste të tjera thuhet se mjetet e parkuar digjen nga ndonjë defekt i rastësishëm. Njoftimi në polici është marrë natën, ende pa shkuar ora 02:00 nga një telefonatë në lagjen Partizani. Autorët e zjarrvënies nuk dihen ende, ndërsa pronari i mjetit është marrë në pyetje në polici.