Një automjeti në qytetin e Vlorës i është vendosur një sasi lënde shpërthyese mëngjesin e kësaj të hëne. I plagosuri quhet Ines Hajrulla mbeti I plagosur rëndë dhe është në rrezik për jetën, pasi ka humbur njërën këmbë dhe rrezikon të humbasë dhe tjetrën.
Kjo nuk është hera e parë që në qytetin e Vlorës ndodhin të tilla raste pasi edhe më herët ka pasur disa atentate me bombë të tëlekomanduar.
9 shtator 2011
Një sasi eksplozivi shpertheu në një makinë në qendër të qytetit. Nga shpërthimi ka mbetur i vdekur gjyqtari Skerdilajt Konomi.
Bomba ishte vendosur në makinë me targa VL 6383 dhe ka shpërthyer në momentin e hyrjes së gjyqtarit në makinë.
21 janar 2014
Kryekomunari i Qendrës, Fredo Berberi po lëvizte me makinën e tij “Benz” ML me targa AA167 DV në drejtim të zonës së Skelës kur një sasi eksplozivi shpërtheu duke e lënë atë të plagosur rëndë. Berberi shprehej se nuk kishte konflikte me askënd.
28 gusht 2014
Isuf Brahimaj, 43 vjeç, u ekzekutua me një bombë të vendosur në automjetin e tij tip Mitsubishi me targa AA 848 JX. Shperthimi ndodhi ne oren 07:15 dhe automjeti ishte ne ecje nga Skela ne drejtim te daljes se Vlores, ne vendin e quajtur Rruga Transballkanike, rrethrotullimi i sheshit “Omonia”.
10 Prill 2017
Një pako me lëndë shpërthyese u gjet mëngjesin në nje automjet ne Vlore. Ai i përkiste Bashkim Brahimajt, biznesmen ne qytetin bregdetar. Ai po dërgonte vajzën në shkolle, kur ka zbuluar eksplozivin sapo ka hapur derën e makinës. Brahimaj ka njoftuar policinë, e cila ka sekuestruar provat ne vendin e ngjarjes. Bashkim Brahimaj është vëllai i Isuf Brahimajt i mbetur i vrarë në atentatin me eksploziv në gusht të 2014.
Përgatiti: AlpeNews.al
