Pesë pacientë të tjerë të infektuar me koronavirus kanë lënë sot spitalin Infektiv, duke e çuar në 52 numrin e të shëruarve nga virusi vdekjeprurës.
Lajmi bëhet i ditur nga ministrja e Shëndetësisë, Ogerta Manastirliu.
“Pesë pacientë nga Tirana, Fieri dhe Kavaja kanë lënë sot spitalin infektiv të shëruar nga 🤜#COVID-19🤛
Mjekët thonë se dy prej tyre kanë qenë në gjendje të rënduar, por pas më shumë se 12 ditë trajtimi intensiv me medikamentet që sot përdoren për trajtimin e #COVID-19 edhe në vendet e tjera të Botës, ja kanë dalë ta mundin sëmundjen dhe sot u kthyen në shtëpi🙏🏼 Deri tani 5️⃣2️⃣ të shëruar nga 🤜#COVID-19🤛”, shkruan Manastirliu.