Prej dy ditësh në mediat online, po flitet për një divorc të mundshëm të Blendi Fevziut me Aleksandër Frangajt, pronar i Tv Klan.
Ka pasur lajme sipas të cilave Blendi Fevziu do ta transferojë emisinin e tij “Opinion” te rivali kryesor i televizionit aktual ku shfaqet, Top Channel.
Blendi Fevziu foli dje për Alpenews.al dhe e pranoi se ka biseduar me Top Chennel në lidhje me mundësinë e zhvendosjes së emisionit të tij nga Tv Klan për atje. I pyetur nëse mund të thonim se a ka apo jo një ofertë konkrete Blendi Fevziu i tha Alpenews.al se “kam biseduar me Top Channel” por duke shtuar se “nuk kam vendosur ende asgjë”.
Por sot në faqen e vet në Facebook ka reaguar kryeredaktorja e emisionit të tij, gazetarja Desada Metaj. Kjo e fundit i shton e shton edhe më shumë mjegullën për atë që po ndodh mes Blendi Fevziut dhe Aleksandër Frangajt.
Sipas gazetares Metaj, kuriozët, “duhet të presin edhe pak për vendimin” për të parë se ku do të shfaqet logoja e “Opinion”.
Duke lënë të hapur në këtë mënyrë zhvendosjen e emisionit edhe nga Tv Klan për tek Top Channel për aq kohë sa për të “nuk ka kurrë (farë)rëndësie logo e TV që transmeton emisionin.
Statusi i plotë i Desada Metaj
Mes shume halleve që ka ky vend, na del problem dhe ekrani ku do transmetohet emisioni “Opinion”. Personalisht, si pjesë “10 vjeçare” e stafit, jam e bindur që nuk ka patur kurrë rëndësi logo e tv që transmeton emisionin, krahasuar kjo me produktin që shikuesit kanë ndjekur dhe do vazhdojnë të shohin në vazhdim.
Të gjithë kuriozët duhet të presin dhe pak për vendimin.
Ndërkohë që për shikuesit e rregullt te emisionit, jam e bindur se logo ku transmetohet emisioni i tyre i dashur nuk ka kurrfarë rëndësie.
