Roja i një karburanti në qytetin e Lezhës ka mbetur i plagosur pas një konflikti fizik që ka patur me një hajdut, i cili në tentativë për të vjedhur arkën e biznesit është përballur me rojen e godinës.
Policia e qytetit bën të ditur se autori ka qenë i maskuar, dhe pasi ka marrë një sasi parash ka goditur disa herë personin që ruante jashtë ambjentet e karburantit.
Karburanti bëhet me dije se ndodhet në rrugën dytësore Lezhë-Rrilë.
Nga plagët e shumta, roja është nisur për mjekim të specializuar në Spitalin e Traumës në Tiranë.
