Ende nuk dihet gjendja shëndetësore e turistëve të bllokuar por deri më tani janë shpëtuar 4 fëmijë ndërsa po punohet për nxjerrjen e personave të tjerë që gjenden brenda në kanion.
Një grup turistësh shqiptarë janë bllokuar në kanionin e Holtës në Gramsh. Në vendin e ngjarjes pas një telefonate për ndihmë nga grupi i të rinjve ka shkuar policia, zjarrfikësja, ambulanca e shërbimet e emergjencave.
Deri më tani janë shpëtuar 4 fëmijë ndërsa dyshohet se brenda kanioni janë edhe disa persona të tjerë të rritur.
Dyshohet se shkaku i bllokimit të tyre, të jetë rritja e shpejtë e nivelit të ujit për shkak të shirave që kanë rënë gjatë natës dhe përrenjve që derdhen në kanionin e Holtës. Sot në Kanionin e Holtës ka pasur një numër të madh turistësh, mes tyre edhe fëmijë por nuk kanë munguar as turistët e huaj.
Kujtojmë se ditët e fundit kemi patur një mot të përkeqësuar në vendin tonë ku në disa qytete janë shënuar edhe incidente e dëme materiale për shkak të erës së fortë dhe të shiut.
