Përfaqësuesi special i Departamentit Amerikan të Shtetit për Ballkanin Perëndimor, Mathew Palmer në një vizitë dy-ditore në Malin e Zi është shprehur se është në interesin e SHBA për të kontribuar në stabilitetin e Ballkanit Perëndimor në partneritet me Bashkimin Evropian.
Palmer në një takim të zhvilluar me presidentit malazez, Milo Gjukanoviç, tha gjithashtu se qëllimi i SHBA është një Mal i Zi i qëndrueshëm në rrugën Evropiane dhe Euro-Atlantike, i mbrojtur nga ndikimet e jashtme.
Presidenti malazez theksoi se marrëdhëniet midis dy vendeve janë në një nivel të lakmueshëm dhe shprehu kënaqësinë e angazhimit të SHBA në rajon, për të zvogëluar përplasjet që mbartin rrezikun e destabilizimit.
Gjukanoviç shprehu mirënjohjen ndaj SHBA edhe për mbështetjen ndaj vendeve të rajonit për rrugën drejt BE dhe NATOS.
