Engjellush Hysenllari është kryefamiljari i një familje me 6 fëmijë në fshatin Sovjan të Korçës. Familja e tij jeton në një banesë dydhomëshe, thuajse të rrënuar. Në shtëpinë e familjes Hysenllari ishte Kryeministri Edi Rama, sëbashku me ministren e Shëndetësisë dhe Mbrojtjes Sociale Ogerta Manastirliu.
Familja e Engjellushit trajtohet me skemën e ndihmës ekonomike, ndërsa thotë se kujdeset edhe për 3 fëmijët e të vëllait, i cili u aksidentua pak kohë më parë, duke i lënë ata pa baba. Për të dalë nga kjo gjendje e vështirë, Kryeministri premton se do të gjendet mundësia për ta ndihmuar familjen, jo vetëm me ringritjen e shtëpisë, por edhe për t’i krijuar mundësi punësimi kryefamiljarit, i cili ka një eksperiencë prej 14 vitesh në ndërtimin e veprave të mëdha infrastrukturore, si dhe mundësi trajnimi profesional për vajzat e mëdha që kanë mbaruar arsimin e mesëm të përgjithshëm.
Kryeministri thekson se shumë shpejt shtëpia e zotit Hysenllari do të riorganizohet nga e para, në mënyrë që dimri t’i gjejë në një godinë të re.
Postimi i plotë
Dje në familjen e Engjëllushit për t’u rikthyer së shpejti nën një çati të re
🙏
Dje në familjen e Engjëllushit për t'u rikthyer së shpejti nën një çati të re🙏
Dje në familjen e Engjëllushit për t'u rikthyer së shpejti nën një çati të re🙏
Gepostet von Edi Rama am Montag, 1. Oktober 2018
