Një tullumbace fluturues gjigante që përfaqëson imazhin e Donald Trump foshnje do të fluturojë në qiellin e Londrës gjatë vizitës së presidentit amerikan të premten e ardhshme, pas lejes së dhënë sot nga kryebashkiaku i kryeqytetit britanik, Sadiq Khan.
Tullumbacja me ngjyrë portokalli gjashtë metra i gjatë, i quajtur ‘’Trump Baby’’ do të fluturojë rreth 30 metra lartësi, në afërsi të Parlamentit nga ora 09 :30 (08H30 GMT) deri në 11H30 (10H30 GMT).
‘’Kryebashkiaku mbron të drejtën për një demonstrim paqësor po e mendon gjithashtu që kjo mund të marrë forma të ndryshme’’, deklaroi një zëdhënës i Khan, i cili ka patur në mënyrë të vazhdueshme mosmarrëveshje me liderin amerikan në Twitter.
Fillimisht kryebashkiaku e refuzoi ngjarjen, të organizuar nga aktivistë, të cilët e cilësojnë veten si një grup artistësh antifashistë, përcjell Atsh.
‘’Ne nuk e nisëm në mënyrën më të mirë me kabinetin e kryebashkiakut për këtë çështje, fillimisht na u tha që nuk e konsideronin ‘’beben Trump’’ si një portestë të ligjshme’’, pohoi aktivisti Leo Murray në televizionin ‘’Sky News’’.
‘’Por, si rezultat i mbështetjes së madhe të publikut për projektin tonë, duket sikur kryetari i Bashkisë ka rizbuluar ndjenjën e humorit të kësaj ngjarje.
Një peticion online mblodhi më shumë se 10 000 firma në mbështetje të demonstrimit në ajër.
