Ndërmjetësi i Kombeve të Bashkuara, Matthew Nimetz theksoi sot në Athinë se koha e vendimeve kishte ardhur për të ardhmen e emrit të Maqedonisë, një mosmarrëveshje që ka përkeqësuar marrëdhëniet mes Athinës dhe Shkupit që prej 27 viteve.
“Mendoj se ekziston vullneti këtu në Athinë dhe mendoj gjithashtu dhe në Shkup, për të zgjidhur këtë çështje”, theksoi për median Nimetz pas takimeve me ministrin grek të Punëve të Jashtme, Nikos Kotzias.
“Ne duhet të kapim rastin. Të ngadalësosh gjërat nuk ka kuptim… Ka një kohë për të marrë një vendim dhe mendoj se ne jemi në kohën e duhur”, shtoi Nimetz, i cili në moshën 78-vjeçare po përpiqet që prej vitit 1994 për të zgjidhur këtë çështje.
Ai do të shkojë nesër në Maqedoni për të vazhduar diskutimet me zyrtarët e vendit fqinj.
Nikos Kotzias theksoi të martën, në një intervistë për televizionin publik grek Ert, që Athina mbështeste një emër sllavo-maqedonas që ishte i pandryshueshëm për të përcaktuar Maqedoninë.
/ata.gov.al