Kryeprokurorja Arta Marku ka zhvilluar ditën e sotme një vizitë në prokurorinë e Elbasanit, ndërsa ka zhvilluar një bisedë për 30 minuta me drejtuesin e prokurorisë Ardian Nezha.
Në fokus të bisedës ka qenë përzgjedhja e prokurorëve që do të jenë pjesë e Task Forcës dhe hetimet proaktive.
Mësohet se kreu i prokurorisë së Elbasanit Ardian Nezha ka identifikuar mbi 40 dosje të cilat do të rihapen. Mësohet se dosjet që do të rihapen lidhen me pastrimin e parave, vrasje, krimet ndaj pronës dhe korrupsionit.
Kujtojmë se kjo është vizita e dytë brenda muajit e Arta Markut në prokurorinë e Elbasanit. Në të parën kryeprokurorja dha mesazhe të forta kur tha se Elbasani rezulton pike e nxehte e grupeve kriminale.
Ndaj edhe rihapja e 40 dosjeve, duket të ketë rëndësi të madhe dhe lidhje të forta me krimin.