Kryeministri Edi Rama ka ndarë disa fotografi nga vizita e djeshme e homologut të tij nga Bavaria, Markus Söder. Krahas fotografive, kryeministri shprehet se ky takim hapi perspektiva të reja bashkëpunimi ekonomik e social.
“MIRËMËNGJES 
dhe me fotoalbumin e vizitës së djeshme të kryeministrit të Bavarisë, e cila hapi perspektiva të reja bashkëpunimi ekonomik e social, ju uroj një ditë të mbarë
”, shkruan Rama.
Kujtojmë që kryeministri nderoi ditën e djeshme, gjatë vizitës së tij të parë në Shqipëri, Markus Soder me Yllin e Madh të Mirënjohjes Publike për “Mbështetjen e veçantë të treguar ndaj Shqipërisë dhe Ballkanit Perëndimor, duke mos kursyer asnjë përpjekje për të konsoliduar proceset integruese; për kontributin dhe përkushtimin në forcimin e marrëdhënieve ekonomike e tregtare mes Bavarisë e Shqipërisë.”
