Policia e Dibrës njofton vijimin e operacionit “Kreshta të Pastra”. Sipas policisë të premten u finalizua faza e shtatë e operacionit, ndërsa u asgjësuan 53 bimë narkotike të dyshuara cannabis sativa. Bimët u gjetën të kultivuara në një zonë pyjore të fshatit Tërnovë.
Policia bënë të ditur se, vijon puna për identifikimin dhe kapjen e shtetasve të përfshirë në këtë veprimtari, teksa për këtë rast nisi procedimi penal për shpërdorim të detyrës, për kryetarin e fshatit Tërnovë dhe inspektorin e shërbimit pyjor në këtë zonë.
“Shërbimet e Komisariatit të Policisë Bulqizë dhe strukturat hetimore të krimeve në volum në DVP Dibër, kanë vijuar kontrollet me shërbime nga toka dhe me dron nga ajri, kundër kultivimit të bimëve narkotike. Si rezultat u godit një tjetër rast i kësaj veprimtarie kriminale, konkretisht në zonë pyjore të fshatit Tërnovë, bashkia Bulqizë, Policia asgjësoi nëpërmjet djegies, 53 bimë narkotike cannabis sativa”, njofton Policia.
“Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë, për veprën penale “Shpërdorimi i detyrës”, për shtetasit N.Z., 62 vjeç, kryetari i fshatit Tërnovë; dhe A.M., 59 vjeç, inspektor i shërbimit pyjor në këtë zonë, si dhe vijon puna për identifikimin, lokalizimin dhe kapjen e shtetasve të përfshirë në këtë veprimtari”, bënë të ditur Policia.
Policia e Dibrës bënë të ditur se operacioni policor antikanabis i koduar “Kreshta të pastra. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
