Një sulm me thikë ka ndodhur në kryeqytetin e Austrisë ku raportohet se ka disa të plagosur.
Ngjarja ka ndodhur pranë parkut “Prater” në Vienë, ku një person me thikë ka filluar të godasë kalimtarët në rrugë.
Pas sulmit ai është larguar, shkruajnë mediat vendase ndërkohë që ka disa të plagosur. Në gjendje më të rëndë janë dy gra dhe një burrë, të cilët janë dërguar menjëhrë në spital për trajtimin e nevojshëm.
Policia është vënë në kërkim të autorit, ndërkohë që ende nuk dihen shkaqet e sulmit.
