Policia e Kuçovës në vijim të zbatimit të planit të masave për kapjen e personave të shpallur në kërkim, ka arrestuar një shtetas për veprat penale “Vjedhje e kryer në bashkëpunim dhe Kultivim i bimëve narkotike” i dënuar me 11 muaj e 15 ditë burg.
Policia bën me dije se në pranga ka rënë shtetasi A.P, 46 vjeç, banues në Kuçovë.
“Ndalimi i këtij shtetasi u bë pasi Gjykata e Shkallës së Parë Berat me Vendimin e datës 21.06.2017, e ka dënur me 11 muaj e 15 ditë burg për veprat penale “Vjedhje e kryer në bashkëpunim dhe Kultivim i bimëve narkotike”,- njofton policia.
Materialet i kaluan Prokurorisë Pranë Gjykatës së Shkallës së Parë Berat për veprime të mëtejshme proceduriale.
