Një kishë është vjedhur gjatë natës në qytetin e Korçës. Kisha e Shën Thanasit është vjedhur gjatë orëve të natës nga persona ende të paidentifikuar të cilët kanë mundur të thyejnë 4 arka ku njerëzit hidhnin lekë për bamirës, duke marrë gjithçka kishin brenda. Po kështu autorët e kësaj vjedhje kanë thyer edhe një arkë me qirinj.
Me dije se autorët e kësaj vjedhje kanë përdorur derën e pasme të kishës për të hyrë brenda. Si pasojë dera e pasme është shkërmoqur. Ndërkohë në vendin e ngjarjes kanë shkuar forcat e policisë të cilët po hetojnë për zbardhjen e plotë të kësaj vjedhje si dhe për kapjen e autorëve.
Kjo nuk është hera e parë që objektet e kultit bien pre e vjedhjeve. Ashtu si në Korçë, ka patur raste edhe në qytetet e tjera, ku njerëz të papërgjegjshëm, thyejnë dhe grabisin lekët e dhuruara për bamirësi në objektet e kultit./Shqiptarja.com
