Një adoleshent nga Australia është deklaruar fajtor për piraterinë në rrjetin e Apple dhe shkarkimin e dosjeve të brendshme. 16-vjeçari arriti në 90 gigabajt të dosjeve, duke u futur në sistem shumë herë gjatë një viti nga shtëpia e tij periferike, në Melburn, raporton gazeta The Age.
Ai thotë se i ka ruajtur dokumentet në një dosje të quajtur “hack hacker hack”. Apple insiston që asnjë informacion i klientëve nuk është i përfshirë. Por The Age raporton se djali kishte pasur qasje në llogaritë e klientëve.
Në një deklaratë për BBC, Apple tha: “Ne mbrojmë rrjetet tona dhe kemi ekipe të përkushtuara të profesionistëve të sigurisë së informacionit që punojnë për të zbuluar dhe për t’iu përgjigjur kërcënimeve.
“Në këtë rast, ekipet tona zbuluan aksesin e paautorizuar, e përmbanin atë dhe raportuan incidentin për zbatimin e ligjit”.
“Ne e konsiderojmë sigurinë e të dhënave të përdoruesve tanë si një nga përgjegjësitë tona më të mëdha dhe dëshirojmë t’u sigurojmë klientëve tanë se në asnjë moment gjatë këtij incidenti nuk janë përfshirë të dhënat e tyre personale”.
Hackeri i njohur:
Sipas deklaratave të bëra në gjykatë, gjigandi i smartphone kontaktoi FBI kur vuri re ndërhyrjen, dhe çështja iu referua Policisë Federale Australiane (AFP).
AFP në shtëpinë e djalit zbuloi dy laptopë me numra serialë që përputheshin me ato të pajisjeve që kishin hyrë në sistem. Policia konfiskoi gjithashtu një telefon celular dhe një hard drive. Sipas The Age, adoleshenti ishte mburrur për ndërhyrjen e tij në mesazhet në WhatsApp. Po ashtu raportohet se ai kishte hackuar një firmë, sepse ai ishte një tifoz i madh dhe ëndërronte të punonte atje.
Avokati i tij mbrojtës tha se ai ishte bërë shumë i njohur në bashkësinë ndërkombëtare të piraterisë. Emri i djalit nuk është bërë publik për arsye ligjore. Vendimi për dënimin e tij do të zhvillohet më 20 shtator.
/AlpeNews.al
