Disa ditë më parë, një deputet në parlamentin austriak, për të treguar pasaktësinë e testeve të shpejta (rapid test), e kreu testin me Coca-Cola dhe rezultoi se pija e famshme ishte “infektuar” me koronavirus.
Por së fundmi, të njëjtën gjë kanë bërë edhe disa mjekë në Itali.
Drejtpërdrejt në televizion, ata kanë testuar frutin e kivit, dhe për çudinë e të gjithëve ka rezultuar gjithashtu pozitiv për Covid-19.
Kjo nuk do të thotë se pija apo fruti kanë përmbajtje të virusit, por se testet e shpejta, në shumë raste nuk janë të sakta.
Një gjë të tillë e denoncoi edhe pak kohë më parë miliarderi Elon Musk, i cili tha se kishte kryer 4 teste të shpejta, nga të cilat dy i kishin rezultuar pozitive dhe dy negative.
