Dje u nënshkrua mes Kosovës dhe Serbisë marrëveshja përfundimtare ekonomike.
Marrëveshja u nënshkrua në Shtëpinë e Bardhë, në Uashington, nga vetë kreu i shtetit amerikan Donald Trump, si dhe nga presidenti serb Aleksandar Vuçiç dhe kryeministri Avdullah Hoti.
Fjalën e rastit e mbajti presidenti amerikan Donald Trump, që ndër të tjera tha se Serbia do ta zhvendosë ambasadën e saj në Jeruzalem, duke shtuar se kjo është pikë e marrëveshjes.
Në këtë moment, siç shihet në pamje, presidenti serb Aleksandar Vuçiç habitet dhe drejtohet nga këshilltarët e tij. Sa duket, ai nuk ka pasur dijeni për këtë pikë të marrëveshjes të nënshkruar.
Po ashtu, gjatë fjalës së tij, presidenti amerikan Donald Trump bëri edhe një gafë.
Trump u shpreh se po nënshkiruan marrëveshjen ekonomike mes Kosovës dhe Serbisë, në praninë e presidentëve të dyja vendeve.
Kreu i Shtëpisë së Bardhë e cilësoi Avdullah Hotin “president të Kosovës”, ndërsa në fakt ai është kryeministri.
Ky moment është fiksuar me pamje filmike nga ana e një personazhi Paolo Stefaninit, që e ka postuar filmimin në “Twitter”.
Ups pic.twitter.com/NkvxvPWgQH
— PaoloStefanini (@PaoloStefanini5) September 5, 2020
