Janë mbyllur hetimet për ish-inspektori Berhan Bajrakurti, i cili para pak muajsh u akuzua se kishte ngacmuar një 15-vjeçare.
Për këtë akuzë ai u arrestua para tre muajsh, dhe më pas u hetua në gjendje të lirë.
Deri më të tani nuk janë gjetur prova që Bajrakurti, në videon intime që u shpërnda në media të ketë ngacmuar një minorene.
Ai i ka mohuar këto akuza, duke thënë se videoja ishte diçka intime mes tij dhe bashkëshortes.
Sipas tij gjithçka ishte një skenar për të ulur imazhin e Policisë së Shtetit.
“Të gjitha ato pamje që janë dhënë në televizor, si nga gazetarja, si dhe nga ish-deputeti, të gjitha janë në dhomën time të gjumit.Në privatësinë time,pa ngacmuar asnjeri , pa bërë asnjë krim. Në bazë të atyre pamjeve mu bë një akuzë e rreme, gjoja kam ngacmuar një minorene 15-vjeçare. Gjithçka është politike, për të ulur imazhin e Policisë së Shtetit, për të goditur drejtorin e Policisë të Shkodrës.”
Në lidhje me rastin e ish-inspektorit pati akuza nga ana e opozitës, të cilët shprehshin se ngacmimi seksual ndaj një minoreneje ishte i vërtet.
