Apple ka nxjerrë në shitje produktin e saj më të ri, iPhone X, e me këtë rast ka publikuar edhe një video përmes së cilës sqaron veçoritë e telefonit të saj të ri.
iPhone X, telefoni më i shtrenjtë i Apple i të gjitha kohëve, ka zgjuar interesim të madh te klientët e saj që edhe njëherë kanë shfaqur entuziazmin e tyre duke stërmbushur dyqanet e kompanisë për të marrë telefonin e ri. iPhone X ka një çmim prej 1100 euro.
Në një video katër minutëshe të publikuar në kanalin zyrtar në YouTube, Apple sjell veçoritë e iPhone X siç janë Face ID, Animoji, dhe ndriçimi i fytyrës gjatë fotografimit.
