Napoli i Hysajt doli fitimtar mbrëmjen e sotme, përballë Lacios së Strakoshës, duke fituar super sfidën e javës në Itali, me shifrat e thella 4-1. Të parët që shënuan ishin miqtë, me De Vrij që në minutën e 3-të.
Më pas, Kajehon barazoi në minutat e fundit të së parës. Një autogol i Uallas dhe një gol i Mario Ruit, që erdhi pas një devijimi, sollën përmbysjen tek ekipi i Inzagit. Fitoren e vulosi goli i Mertens në të 73-tën. Me këtë fitore, Napoli ngjitet përsëri në vendin e parë, me 63 pikë.
