Situata sa vjen e rëndohet në zonën e Fierit dhe Vlorës. Reshjet e shumta të shiut kanë sjellë edhe fryrjen e Vjosës dhe daljen e saj nga shtrati.
Ujërat kanë dalë dhe kanë përmbytur qindra hektarë tokë e dhjetëra banesa.
Forcat e Armatosura sërish kanë nisur evakuimin e banorëve që vetëm 2 muaj më parë u përmbytën nga ujërat e Vjosës. Situata është e rëndë sidomos pranë zonës së Urës së Mifolit, ku niveli i ujit ka arritur nivelin maksimal.
Niveli i Vjosës është afër kuotave maksimale të përmbytjeve. Banorët shprehen se për një orë niveli është rritur me 1 metër dhe nëse do të rritet dhe 90 cm, lumi përmbyt gjithçka.
Pas përfundimit të takimit të Shtabit të Emergjencave në Vlorë e Fier, Forcat e Armatosura kanë nisur evakuimin e disa familjeve në Novoselë dhe Ferras.
Të angazhuar në evakuim janë mbi 100 efektivë të Forcave të Armatosura.
