Është mbledhur Komiteti i Menaxhimit të Emergjencave, aty dhe ku po bëhet bilanci i përmbytjeve.
Kryeminsitri i vendit Edi Rama është gjithashtu i pranishëm. Në një postim në rrjetet sociale kryeministri shprehet: Ka mbaruar emergjenca e motit dhe ka nisur faza e dytë: Reagimi ndaj pasojave në çdo aspekt!
“Në këtë ditë dua të uroj 105-vjetorin e krijimit të Forcave të Armatosura. Duke i falënderuar me shumë mirënjohje të gjithë ushtarakët, vajzat e djemtë, gratë e burrat të angazhuar në këto ditë dhe netë tejet të vështira, dhe duke falënderuar gjithë të tjerët po ashtu që i dhanë një pamje kuptimplotë reagimit të shtetit në këtë situatë, dua të nënvizoj se tani është momenti për të çuar përpara fazën e dytë, atë të kapërcimit të pasoja në radhë të parë për familjet e prekura, dhe sigurisht edhe për at pjesë të infrastrukturës që janë jetike për lëvizshmërinë dhe garantimin e jetës normale në komunitetet e zonave të përmbytura.
Patjetër që do të na duhet më tej që të ecim me zbatimin e planit që ka nisur prej disa muajsh nga ministri i Bujqësisë për të ndërhyrë në të gjitha pikat e dobëta të sistemit të mbrojtjes nga uji, në bashkëpunim me Ministrinë e Infrastrukturës. Fakti i shembjes së një numri të konsiderueshëm urash flet qartë për potencialin katastrofik që kishte kjo situatë, nëse shumë investime mbrojtëse nuk do ishin bërë në këto 2 vite.
“Për sa na takon, ne do të bëjmë, e përsëris, maksimumin, – theksoi Kryeministri, – siç kemi bërë edhe herën e shkuar, pa lënë askënd pa kompensuar deri në fund për dëmet që ka pasur.”
E kemi parë se në çdo zonë ka ende një sërë pikash të dobëta ku duhet ndërhyrë me përparësi”, u shpreh kryeministri Rama./AlpeNews.al
ERTV Live😊: Ka mbaruar emergjenca e motit dhe ka nisur faza e dytë: Reagimi ndaj pasojave në çdo aspekt!
Posted by Edi Rama on Monday, December 4, 2017
