Është shoqëruar me protesta takimi i kryeministrit Rama në Panairin e Punës në Elbasan. Forumi rinor i PD dhe drejtues të PD në këtë qark kanë pritur me protesta dhe pankarta në duar kryeministrin, ndërsa nuk kanë munguar as konfrontimet. Gjatë protestës, kreu i PD për Elbasanin është konfrontuar me nëndrejtorin Policisë Blerim Berbati i cili ka qene në krye të detyrës.
“Demokratët presin me protesta Ramën në Elbasan. Takimi i parë i Edi Ramës në Elbasan duhet të niste në Prefekturë, por për shkak të protestuesve demokratë, ai ndryshoi drejtim për tek Kalaja. Protestuesit me pankartat që e cilësojnë Ramën si Pasha të Drogës, e kanë ndjekur edhe aty. Por policia,në shkelje të ligjit, siç shihet në video, ka ndërhyrë për të larguar protestuesit nga Edi Rama. Në një akt të paprecedentë, policët kanë tentuar t’u marrin atyre pankartat. Protestuesit demokratë nuk janë tërhequr dhe e sigurt është se turi i Ramës në qarkun e Elbasanit sot nuk do të jetë i qetë”- thuhet në reagimin e PD.
