Milani ka marrë pikët e plota në udhëtim te Cagliari, duke triumfuar 1:2.
Milani e ka nisur mbarë vitin 2018. Pas fitores 1:0 kundër Crotones, para pushimit dimëror, Milani tani ka regjistruar një tjetër triumf.
Të besuarit e Gennaro Gattusos morën tri pikë shumë të vlefshme, duke triumfuar 1:2 në udhëtim te Cagliari.
Të parët në epërsi kaluan vendasit në minutën e tetë përmes Nicolo Barella, por Milani përmbysi shumë shpejtë gjithçka përmes Franck Yannick Kessie që shënoi në minutat 36’ dhe 43’ për rezultatin përfundimtar 2:1, pasi në 45 minutat e fundit nuk u shënua asnjë gol.
Në pjesën e dytë, u dhanë dy kartonë të kuq, një për vendasit dhe një për mysafirët.
Ricardo Rodriguez për Milanin mori të dytin të verdhë në minutën e 80’të, ndërsa në atë të 88’të, edhe Nicolo Barella, realizuesi i golit për Cagliarin, mori të dytin të verdhë, për t’u përjashtuar nga sfida.
Milani gjendet në pozitën e shtatë dhe pas kësaj fitore ka shkuar në kuotën e 31 pikëve, 23 më pak se lideri, Napoli.
