Katër persona janë vënë në pranga nga policia, pasi akuzohen se janë autorët e grabitjes dhe dhunës që ushtruan ndaj çiftit të moshuarve disa ditë më parë në Shkallnur të Durrësit.
Bëhet fjalë për Niko Papajorgjin, 35 vjeç, Marsel Papajogjin 30 vjeç, Julian Qazmilin 43 vjeç dhe Erind Seferkollin 30 vjeç. Ky i funidt banonte në Korçë, ndërsa të tjerët në Durrës.
Këta persona në datën 20 nëntor 2017, rreth orës 03:00, kanë dhunuar fizikisht dhe kanë vjedhur banesën e shtetasve M. E., 77 vjeç dhe Sh. E., 69 vjeçe.
Durrës. Policia e Durrësit zbardh dhe dokumenton një ngjarje të ndodhur disa ditë më parë në Shkallnur. Pas një hetimi të pandërprerë me metoda speciale ndalohen katër autorët, të cilët dhunuan dhe vodhën banesën e një çifti në Shkallnur.Specialistët për Hetimin e Krimeve në Komisariatin e Policisë Durrës, në bashkëpunim të ngushtë me Prokurorinë e Rrethit Gjyqësor Durrës pas një pune hetimore intensive dhe të mirëorganzuar, me metoda speciale, pas provave të administruara në rrugë shkencore dhe procedurale kanë bërë të mundur zbardhjen dhe dokumentimin e plotë të ngjarjes së ndodhur më datë 20.11.2017, ku katër shtetas të maskuar kanë dhunuar fizikisht një çift bashkëshortësh dhe vjedhur banesën e tyre në Shkallnur. Janë ndaluar autorët e dyshuar, konkretisht shtetasit:• N. P. 35 vjeç, banues në Durrës;• M. P. 30 vjeç, banues në Durrës.• J. Q. 43 vjeç, banues në Durrës;• E.S. 30 vjeç, banues në Korçë.Shtetasit e mësipërm, më datë 20.11.2017, rreth orës 03:00, në bashkëpunim me njëri-tjetrin kanë dhunuar fizikisht dhe kanë vjedhur banesën e shtetasve M.E. 77 vjeç dhe Sh.E. 69 vjeçe, banues në Shkallnur.Mekanizmi I ngjarjes:N.P. dhe M. P. (vëllezër me njëri-tjetrin) në rolin e nxitësve dhe ndihmësve kanë bërë roje, ndërkohë që në banesë janë futur nga dritarja shtetasit J. Q. dhe E.S. (ekzekutorët)të cilët kanë dhunuar dhe lidhur çiftin.Në vijim gjatë kontrollit të kryer në banesë kanë gjetur dhe kanë vjedhur 160 000 lekë të reja.Më pas autorët janë larguar.Nga veprimet hetimore paraprake të kryera është bërë e mundur identifikimi dhe shpallja në kërkim e autorëve.Kapja dhe ndalimi I tyre është bërë e mundur si rezultat I bashkëpunimit të Policisë Kufitare Kakavijë dhe Drejtorisë Vendore të Policisë Korçë. Të dëmtuarit, shtetasi M.E. ndodhet në Spitalin Ushtarak Tiranë nën kujdesin e mjekëve ndërsa shtetësia Sh.E. është jashtë rrezikut për jetën.Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale" Vjedhja me dhunë" e kryer në bashkëpunim parashikuar në nenin 139, 25 të Kodit Penal.
Posted by Policia e Shtetit on Sunday, November 26, 2017
Mekanizmi i ngjarjes:
Niko dhe Marsel Papajorgji (vëllezër me njëri-tjetrin) në rolin e nxitësve dhe ndihmësve kanë bërë roje, ndërkohë që në banesë janë futur nga dritarja Julian Qamili dhe Erind Seferkolli (ekzekutorët) të cilët kanë dhunuar dhe lidhur çiftin.
Në vijim gjatë kontrollit të kryer në banesë kanë gjetur dhe kanë vjedhur 160.000 lekë të reja. Më pas autorët janë larguar.
Nga veprimet hetimore paraprake të kryera është bërë e mundur identifikimi dhe shpallja në kërkim e autorëve.
Kapja dhe ndalimi i tyre është bërë e mundur si rezultat I bashkëpunimit të Policisë Kufitare Kakavijë dhe Drejtorisë Vendore të Policisë Korçë.
Të dëmtuarit, shtetasi M. E., ndodhet në Spitalin Ushtarak Tiranë nën kujdesin e mjekëve ndërsa shtetësia Sh. E., është jashtë rrezikut për jetën.
Pas arrestimit, dosja i ka kaluar Prokurorisë së Durrësit për veprime të mëtejshme për veprën penale” Vjedhja me dhunë” e kryer në bashkëpunim. /Lapsi.al/
