George Foreman gjatë gjithë karrierës së tij të jashtëzakonshme në boks, ka lëshuar mjaft goditje, por ish-kampioni i peshave të rënda botërore shtoi edhe një tjetër të shtunën në mbrëmje.
Foreman ishte i ftuar i nderit në ‘Qendrën Toyota’ në Hjuston të Teksasit, dhe ishte ulur në anën e jurisë për të parë ndeshjen e NBA-së mes Houston Rockets dhe Milwaukee Bucks.
Por në një marifet të organizuar, atij iu afrua ‘ariu fatsjellës’ i skuadrës së Houston Rockets, i cili kishte veshur një pardesy boksi si edhe doreza të mëdha duke shkaktuar mjaft të qeshura. Foreman iu përgjigj sfidës me një goditje të fuqishme me të majtën e tij të famshme, e cila hodhi në tokë mbështetësin e Houston Rockets.
Ariu më pas u ngrit dhe u largua, duke lejuar që loja të vazhdonte si zakonisht.
Përgatiti: AlpeNews.al
Come for Big George, you best not miss. pic.twitter.com/T9SifdyV8c
— ESPN (@espn) December 17, 2017