Shuhet nga jeta aktori dhe regjisori Lisenko Malaj në moshën 66-vjeçare ne Itali, pasi vuante nga një sëmundje e rendë.
Lisenko Malaj, lindi në 3 dhjetor të vitit 1952 në Vlorën e bukur bregdetare. Ai kreu studimet e larta në Institutin e Lartë të Arteve, dega e artit dramatik.
Një nga rolet më të spikatura ë Lisenkos ishte në rolin e Lonit në kinokomedine muzikore Karnavalet (1980) dhe më pas role me rëndesi në filmat Shpresa (1988) dhe Shpella e pirateve (1990).
U njoh më shumë si regjisor i ri me të dhëna premtuese, të cilat u dëshmuan fillimisht në dokumentarin e tij të parë “Pranvera dy hapa pranë (1985), fitues i ccmimit të tretë në Festivalin VI të Filmit Dokumentar dhe Vizatimor.
Nuk mund të lëmë pa përmendur edhe filmin e parë artistik “Tri ditë nga një jetë (1986), për të mbërritur në filmin dramatik “Misioni përtej detit”, ku sillet një subjekt interesant nga koha e luftës, zbulimi dhe arrestimin e një tradhtari të arratisur në shtetin fqinj të Greqisë.
I një dimensioni psikologjik është edhe filmi i tij i fundit “Vdekja e burrit (1990), nëpërmjet të cilit del në pah përjetimi i një ambasadori të dalë në pension, në përsiatjet, zhgënjimet, shpërfilljen, vetëmbytjen dhe vetminë e tij.
Lisenko ishte i martuar me vajzën që ka luajtur tek kinokomedia muzikore Karnavalet me të cilën ka dy fëmijë, një vajzë dhe një djalë.
Lisenko Malaj do t’i mungojë artit dhe skenës shqiptare. Stafi i AlpeNews.al i shpreh ngushëllimet familjes.
Përgatiti: AlpeNews.al
